निगुडघर, म्हसर बुद्रुक रस्त्यावर पुराचे पाणी

हिर्डोशी, ता. १९ : भोर तालुक्यातील निगुडघर ते म्हसर रस्त्यावरील गोळेवाडी- निगुडघर दरम्यानच्या, तसेच म्हसर बुद्रुक येथील असणाऱ्या रस्त्यावरील मोरीवरून ओढ्याचे पाणी वाहत असल्यामुळे गोळेवाडी, म्हसर खुर्द, म्हसर बुद्रुक या गावांचा संपर्क तुटला आहे. मंगळवारी (ता. १८) सायंकाळपासून रस्त्यावरुन पाणी वाहत असल्याने ही दोन्ही ठिकाणे धोकादायक झाली आहेत. पावसाचा जोर खुपच वाढला असून ओढे, ओहळ आपले पात्र सोडून वाहत आहे. म्हसर रस्त्यावरील मोरींची उंची कमी व ओढ्यातील पाण्याचा प्रवाह जास्त असल्याने पाणी मोरीत मावत नसल्याने मोरीवरून वाहत आहे.