कोंडगावमध्ये सप्ताहाला उद्यापासून सुरुवात

महुडे, ता. २८ : भोर तालुक्यातील वेळवंड खोऱ्यातील दुर्गम असलेल्या कोंडगाव येथील अखंड हरिनाम सप्ताह आणि ग्रंथराज ज्ञानेश्‍वरी पारायण सोहळ्याला मंगळवारी (ता. ३०) सुरवात होत आहे. तीन दिवसीय सप्ताहात आयोजीत विविध धार्मिक कार्यक्रमांचा लाभ घेण्याचे आवाहन ग्रामस्थांनी केले आहे.
८२ वर्षांची परंपरा असलेल्या या सप्ताहात मंगळवारी पहाटे काकड आरती, ज्ञानेश्‍वरी पारायण, दुपारी छबिना, सायंकाळी अमोल महाराज गावडे यांचे प्रवचन, रात्री साध्वी वैष्णवी सरस्वती यांचे कीतन, पंचक्रोशीतील भजनी मंडळाचे हरीजागर, बुधवारी (ता. ३१) दिंडी सोहळा, हळदी कुंकू समारंभ, सायंकाळी दत्तात्रेय कंक यांचा हरिपाठ, रात्री चैतन्य महाराज लिंबोले यांचे कीर्तन, हरिजागर, गुरुवारी (ता. १) लिंबोले महाराजांचे काल्याचे कीर्तन झाल्यानंतर मान्यवरांचा सत्कार आणि महाप्रसाद झाल्यावर सप्ताहाची सांगता होणार आहे. कोंडगाव येथे येण्यासाठी भोर बसस्थानकातून सकाळी आठ, दुपारी एक आणि संध्याकाळी पाच वाजता एसटी बस उपलब्ध असल्याचे ग्रामस्थांकडून सांगण्यात आले. सप्ताहाचे आयोजन कोंडगाव ग्रामस्थ‌ व तरुण मंडळांकडून करण्यात येत आहे.