‘नीरा देवघर’मधून ७५० क्युसेक विसर्ग

हिर्डोशी, ता. १६ : नीरा देवघर (ता. भोर) धरणाच्या विद्युतगृहद्वारे शुक्रवारी (ता. १६) सायंकाळी सहा वाजता ७५० क्युसेक पाण्याचा विसर्ग नदीपात्रात सुरू केला आहे, तर भाटघर धरणातून २९ डिसेंबरपासून विसर्ग सुरू आहे. कार्यकारी अभियंता, पुणे पाटबंधारे विभाग यांच्या संदेशानूसार नीरा डावा, तसेच नीरा उजवा कालव्याद्वारे रब्बी हंगाम वर्ष २०२५-२६ सिंचन चालू असून, वीर धरणाची पाणी पातळी नियंत्रित करण्याबाबत कळविले होते. त्या अनुषंगाने नीरा देवघर धरणाच्या विद्युतगृहद्वारे विसर्ग सुरू केला असून, नदीपात्रात कोणीही उतरू नये, तसेच नागरिकांनी योग्य ती खबरदारी घ्यावी, असे आवाहन नीरा पाटबंधारे उपविभागाचे सहाय्यक अभियंता (श्रेणी १) यो. स. भंडलकर यांनी केले आहे.