‘मावळा मॅरेथॉन’मध्ये १०२३ जणांचा सहभाग

महुडे, ता. १९ : भोलावडे (ता. भोर) येथील राजा रघुनाथराव विद्यालय मैदान येथे पंच-जल-वन व राजेशभाऊ बोडके युवा मंच यांच्या माध्यमातून रविवारी (ता. १८) भोर तालुक्यात प्रथमच आयोजित केलेल्या ‘मावळा मॅरेथॉन’ स्पर्धेत १०२३ धावपटूंनी सहभाग घेत स्पर्धा यशस्वी केली.
सकाळी साडेसहा वाजता सुरू झालेल्या मॅरेथॉनसाठी ३, ५, १० व २१ किलोमीटर प्रकारात भोर तालुक्यासह इतर ठिकाणच्या धावपटूंनी सहभाग घेतला. स्पर्धेसाठी प्रज्वल इंजिनिअरिंग यांचे विशेष सहकार्य लाभले. सहभागी धावपटू, स्वयंसेवक, पोलिस प्रशासन, नेरे प्राथमिक आरोग्य केंद्र वैद्यकीय पथक, सामाजिक संस्था व ग्रामस्थ यांच्या सहकार्यातून मॅरेथॉन यशस्वी झाली असल्याचे राजेश बोडके यांनी सांगितले. यावेळी उपेंद्र धोबळे, शंतनू कलामकर, हृषिकेश नागरकर, प्रशांत मोदी, नीलेश मुसळ, पंकज गिरगावकर आदी उपस्थित होते.

मावळा मॅरेथॉन निकाल (अनुक्रमे प्रथम तीन क्रमांक)
२१ किलोमीटर‌ पुरुष ः स्वप्नील कोचके, वैभव गवते, सार्थक काळे.
महिला- आश्लेषा झोलेकर, स्नेहा मेमाने, अल्मय मुळाणी.

१० किलोमीटर पुरुष ः प्रिन्स सातारकर, आदित्य सुतार, उमेश आजमाने.
महिला- रोशनी निशाद, अमृता मांडेव, नंदिनी गिरी.
५ किलोमीटर -ज्ञानेश्वरी विठ्ठल दानवले.
३ किलोमीटर - सई दत्तात्रेय अब्दागिरे.

03004