लायन्स क्लब नारायणगावच्या अध्यक्षपदी अभिषेक भुजबळ

नारायणगाव, ता. १२ : लायन्स क्लब ऑफ नारायणगावच्या अध्यक्षपदी ॲड. अभिषेक राजीव भुजबळ, सचिवपदी योगेश संभाजी रायकर, तर खजिनदारपदी वैभव राजेंद्र सोनवणे यांची निवड झाली.
लायन्स क्लब ऑफ नारायणगावचा पदग्रहण समारंभ पास्ट मल्टिपल कौन्सिल चेअरमन गिरीष मालपाणी, राजेंद्र गोयल, झोन चेअरपर्सन सुरेश कानडे यांच्या प्रमुख उपस्थितीत झाला. यावेळी पदाधिकाऱ्यांची निवड करण्यात आली. मावळते अध्यक्ष राजेंद्र देसाई यांनी अध्यक्षपदाची सूत्रे ॲड. अभिषेक भुजबळ यांच्याकडे सपूर्त केली. लायन राजेंद्र गोयल यांनी नवनिर्वाचित पदाधिकाऱ्यांना शपथ दिली. यावेळी नवीन ३२ लायन्स मेंबर यांनी शपथ घेतली.
यावेळी ॲड. भुजबळ म्हणाले, ‘‘गरीब कॅन्सरग्रस्त रुग्णांना मोफत उपचार मिळून देण्यासाठी लाईनच्या माध्यमातून प्रयत्न केला जाईल. गरजूला अल्प दरात भोजन थाळी देण्याचाही प्रयत्न आहे. गरीब विद्यार्थ्यांना शिक्षणासाठी मदत करणार आहे. या वेळी माजी झोन चेअरपर्सन प्रिती बोंडे, जयवंत बोंडे, विद्या गुगळे, अभय पाटे, ॲड. कुलदीप नलावडे, गिरीष भांगरे, शरद खांडगे, वैभव वकारे, संतोष बोडके, क्लबचे आधारस्तंभ मनोज भळगट, कल्पेश मुनोत, आनंद कोठारी, विशाल बोऱ्हाडे, डॉ. प्रवीण शिंदे, डॉ. किरण मुथ्था, प्रशांत इचके, प्रकाश निमसे, सुधीर भागवत आदी उपस्थित होते. अभय वारुळे, मनोज भळगट यांनी सूत्रसंचालन केले. योगेश रायकर यांनी नियोजन केली. अभय पाटे यांनी आभार मानले.
@फोटो :ॲड.अभिषेक रभुजबळ, योगेश रायकर, वैभव सोनवणे