वारूळवाडीतील तरूणीची गळफास घेऊन आत्महत्या

नारायणगाव, ता. १७ : वारूळवाडी (ता. जुन्नर) येथील मानसी मंगेश माळवे (वय २३) या तरुणीने राहत्या घरातील पंख्याला ओढणीने फास लावून आत्महत्या केली. ही घटना आज दुपारी एकच्या सुमारास घडली. आत्महत्येचे कारण समजू शकले नाही.
मानसीची आई आजारी असल्याने त्यांच्यावर नारायणगाव येथील खासगी रुग्णालयात उपचार सुरू आहेत. वडील कामानिमित्त बाहेर गेले होते. आज दुपारी दोनच्या सुमारास ते घरी आले असता, मानसी पंख्याला लटकलेल्या अवस्थेत दिसून आली. याबाबतची माहिती माणिक मावळे यांनी वारुळवाडीचे पोलिस पाटील सुशांत भुजबळ यांना दिली. त्यानंतर घटनास्थळी पोलिस हवालदार मंगेश लोखंडे, जितेंद्र पाटील दाखल झाले.
फोटो ः 06882