दिशा कृषी उन्नती २०२९ या अभियान: जिल्ह्यात सुमारे पाच हजार हेक्टर क्षेत्रात निर्यातक्षम केळी लागवड करण्याचे उद्दिष्ट: कृषीरत्न अनिल मेहेर
नारायणगाव, ता.२१: दिशा कृषी उन्नती २०२९ या अभियाना अंतर्गत आगामी पाच वर्षात जिल्ह्यात सुमारे पाच हजार हेक्टर क्षेत्रात निर्यातक्षम केळीची लागवड करून केळीचे उत्पादन तीन लाख टनांवर नेण्याचे उद्दिष्ट आहे. ग्रामीण भागातील शेतकऱ्यांसाठी त्यांच्या शेतमालाचे काढणीपश्चात होणारे नुकसान टाळून शेतमाल निर्यात व प्रक्रिया करून शेतकऱ्यांना अधिकचा नफा मिळवून देण्यासाठी ग्रामीण भागातच पायाभूत सुविधांची उभारणी करण्यात येणार आहे, अशी माहिती कृषी विज्ञान केंद्राचे अध्यक्ष कृषिरत्न अनिल मेहेर यांनी दिली.
जिल्हाधिकारी जितेंद्र डुडी यांच्या पुढाकाराने कृषी विभागामार्फत दिशा कृषी उन्नती २०२९ अभियानाची सुरुवात झाली आहे. पुणे जिल्ह्यातील केळी, आंबा, स्ट्रॉबेरी, करडई,अंजीर या पिकांची क्लस्टर स्वरूपात मूल्य साखळी उभारणी करण्यासाठी प्रशासन प्रयत्न करत आहे. या दृष्टीने नारायणगाव येथील कृषी विज्ञान केंद्रात दिशा कृषी उन्नतीची २०२९ अंतर्गत समूहातील मास्टर्म ट्रेनर्स यांचे फळपीक लावगड व व्यवस्थापनाबाबत उपविभाग स्तरीय प्रशिक्षण घेण्यात आले. या वेळी केव्हिकेचे अध्यक्ष कृषिरत्न अनिल मेहेर, उपविभागीय कृषी अधिकारी सतीश शिरसाठ, जैन अरिगेशनचे केळी तज्ञ तुषार जाधव, केव्हिकेचे वरिष्ठ शास्त्रज्ञ डॉ.प्रशांत शेटे, डॉ. दत्तात्रेय गावडे, डॉ.भरत टेमकर, डेक्कन व्हॅली फार्मर्स प्रोड्यूसर कंपनीचे सीईओ सुनील वामन, अजय बेल्हेकर, जुन्नर, आंबेगाव, खेड, शिरूर तालुका कृषी अधिकारी यांनी मास्टर ट्रेनर यांना मार्गदर्शन केले.
उपविभागीय कृषी अधिकारी सतीश शिरसाठ म्हणाले की, प्रक्रिया उद्योग, शीतसाखळी आणि बाजारपेठ जोडणी या सर्व बाबींचे नियोजन करून समूह (क्लस्टर) पद्धतीने शाश्वत कृषी विकास करण्यात येणार आहे. त्यासाठी कृषी विभागासह कृषी विज्ञान केंद्र, कृषी महाविद्यालय, स्वयंसेवी संस्था,शेतकऱ्यांच्या उत्पादक कंपन्या मार्फत एकत्रित प्रयत्न करण्याचे नियोजन आहे.
कृषी अधिकारी प्रमोद बनकर यांनी सूत्रसंचालन केले.
अभियान यशस्वी होण्यासाठी छोट्या शेतकऱ्यांना सोबत घेऊन नाशिक येथील सह्याद्री फार्म्स सारख्या छोट्या शेतकऱ्यांच्या मालकीची मूल्यसाखळी उभारण्यासाठी.आम्ही कटिबद्ध आहोत.
- अजय बेल्हेकर अध्यक्ष :डेक्कन व्हॅली फार्मर्स प्रोड्यूसर कंपनी
06900
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.