लायन्स क्लब ऑफ जुन्नर शिवनेरी पदग्रहण समारंभ

नारायणगाव, ता. २९ : लायन्स क्लब ऑफ जुन्नर शिवनेरीच्या अध्यक्षपदी व्यावसायिक मच्छिंद्र मुंडलीक, सचिवपदी सह्याद्री भिसे आणि खजिनदारपदी महेश शेटे यांची निवड झाली.
लायन्स व लिओ क्लब ऑफ जुन्नर शिवनेरी यांच्या पदाधिकाऱ्यांचा पदग्रहण समारंभ जयहिंद मंगल कार्यालयात येथे झाला. लायन गिरीश मालपाणी, लायन सुनीता मालपाणी यांच्या प्रमुख उपस्थितीत पदाधिकाऱ्यांची निवड झाली. या वेळी लायन्स क्लबचे नवनिर्वाचित अध्यक्ष मुंडलीक, सचीव भिसे, खजिनदार शेटे व लिओ क्लबचे नवनिर्वाचित अध्यक्ष आदेश मुंडलीक, सचिव सिद्धेश कांबळे, खजिनदार सायली जठार व लायन्स मेंबर यांनी शपथ घेतली. नवनिर्वाचित पदाधिकारी व त्यांच्या कार्यकारिणीचा सत्कार आमदार शरद सोनवणे, उपसरपंच योगेश पाटे, सरपंच डॉ. शुभदा वाव्हळ यांच्या हस्ते झाला. या वेळी लायस क्लबचे माजी अध्यक्ष विश्वास भालेकर, आकाश कांबळे, दिलदीप बांगा, संदीप मुथा, जितेंद्र गुंजाळ, शिरीष जठार, डॉ. सदानंद राऊत, शशिकांत वाजगे, दीपक वारुळे आदी उपस्थित होते. वृक्षारोपण, आरोग्य शिबिर, गरजू विद्यार्थ्यांना शालेय साहित्याचे वाटप आदी सामाजिक उपक्रम झाले. अजित वाजगे यांनी सूत्रसंचालन केले.