नारायणगाव पोलिस ठाण्यात रक्षाबंधन

नारायणगाव : रोटरी क्लब नारायणगाव हायवेच्या वतीने  नारायणगाव पोलिस ठाण्यात रक्षाबंधन कार्यक्रमाचे आयोजन केले होते. या वेळी समाजाच्या सुरक्षेसाठी चोवीस तास ऑन ड्यूटीवर असणाऱ्या नारायणगाव पोलिस ठाण्यातील पोलिस बांधवांना औक्षण करून राखी बांधून, पेढे भरवून रक्षाबंधन करण्यात आले. 
रोटरी क्लब नारायणगाव हायवेच्या डॉ. पिंकी कथे, डॉ. हेमलता गुळवे, डॉ. नंदिनी घाडगे, डॉ. स्नेहल घाडगे, डॉ. कीर्ती घोरपडे, अनिता गाडेकर, संगीता ढमाले, उषा टाकळकर, वैशाली फुलसुंदर आदी महिलांनी पोलिस बांधवांना औक्षण करून राखी बांधून रक्षाबंधनाच्या शुभेच्छा दिल्या.
या प्रसंगी डॉ. पंजाब कथे, रोटरीचे अध्यक्ष डॉ. उत्तम घोरपडे म्हणाले की, सप्टेंबर महिन्यात पोलिस कुटुंबीयांसाठी आरोग्य तपासणी शिबिराचे आयोजन करून सर्व तपासण्या मोफत केल्या जातील. सहाय्यक पोलिस निरीक्षक महादेव शेलार म्हणाले की, पोलिसांवर कामाचा ताण वाढला आहे. या परिस्थितीत रजा मिळत नसल्याने रक्षाबंधन कार्यक्रमाला घरी जाता येत नाही. ही उणीव रोटरी भगिनींनी राखी बांधून पूर्ण केली आहे. रोटरी क्लबचे रोटेरियन प्रा. शिवाजी टाकळकर, प्रा. बाळासाहेब ढमाले, रामभाऊ सातपुते, श्यामराव थोरात, वसंत कोल्हे, उत्कर्ष घोरपडे, नितीन भुजबळ त्यांनी नियोजन केले. डॉ. श्रीकांत फुलसंदर यांनी सूत्रसंचालन केले.