नारायणगावातील शिबिरात १७० रुग्णांची मोफत तपासणी

नारायणगाव, ता. ११ : येथील भोसले मल्टीस्पेशालिटी हॉस्पिटलमध्ये आयोजित सर्वरोग निदान शिबिरात १७० रुग्णांची मोफत आरोग्य तपासणी करून औषधोपचार करण्यात आले. शिबिराचा लाभ जुन्नर तालुक्यातील नारायणगाव, वारूळवाडी, निमगाव, आळेफाटा, बेल्हा भागातील रुग्णांनी घेतला. शिबिराचे उद्‍घाटन उपसरपंच योगेश पाटे यांनी केले. शिबिरात शल्यचिकित्सक डॉ. हनुमंत भोसले, डॉ. सविता भोसले, डॉ. अक्षय शेलार यांनी रुग्णांची तपासणी केली. शिबिरात आढळून आलेल्या हृदयरोग, थायरॉईड, पोटाचे, विकार दमा, लिव्हर, हर्निया, रक्तदाब, मधुमेह आदी रुग्णांवर उपचार केले. शस्त्रक्रिया करण्याची आवश्यकता असलेल्या रुग्णांवर भोसले मल्टीस्पेशालिटी हॉस्पिटलमध्ये माफक दरात शस्त्रक्रिया करण्यात येणार आहे, अशी माहिती डॉ. भोसले यांनी दिली. शिबिराचे नियोजन डॉ. शुभम भोसले, शंतनू भोसले, डॉ. वैष्णवी निमने, संजय कांबळे, दिनेश ठोंबरे, अश्विनी कदम, प्राजक्ता भोर, पूजा पाबळे, शीतल पाटोळे यांनी केले.