टोमॅटो लागवडीवर उद्या नारायणगावात कार्यशाळा

नारायणगाव, ता. ८: कृषी उत्पन्न बाजार समिती, जुन्नर व राष्ट्रीय सुगी पश्चात तंत्रज्ञान संस्था, तळेगाव-दाभाडे यांच्या वतीने मंगळवारी (ता.१० ) सकाळी ११ ते दुपारी १ या वेळेत बाजार समितीच्या नारायणगाव येथील टोमॅटो उपबाजार आवारात टोमॅटो लागवड व्यवस्थापन या विषयावर कार्यशाळेचे आयोजन करण्यात आले आहे.
या वेळी तज्ञ सुशील धुमाळ,अमोल भोंग हे टोमॅटो लागवड व व्यवस्थापन याविषयी शेतकऱ्यांना मार्गदर्शन करणार आहेत. टोमॅटो उत्पादक शेतकऱ्यांनी या संधीचा लाभ घ्यावा असे आवाहन बाजार समितीचे सभापती संजय काळे यांनी केले आहे.