भोरमधील उद्योग टिकण्यासाठी सहकार्य करणार
नसरापूर, ता. १ : ‘‘भोर तालुक्यात पुण्याजवळ असलेल्या भागात महामार्गालगत अनेक छोटे मोठे उद्योग आहेत. स्थानिक तरुणांना त्यामुळे रोजगार तर ग्रामस्थांना व्यवसाय मिळत आहे. त्यामुळे कोणत्याही अडचणीमुळे येथील उद्योग बंद पडू नयेत. यासाठी सर्वतोपरी सहकार्य करणार आहे,’’ अशी ग्वाही भोर-राजगड-मुळशीचे आमदार शंकर मांडेकर यांनी उद्योजकांना दिली.
शिवरे (ता.भोर) येथे उद्योजक व अधिकारी यांच्या संयुक्त बैठकीचे नुकतेच आयोजन केले होते. यावेळी मांडेकर यांनी उद्योजकांशी संवाद साधला. तालुक्यातील महामार्ग पट्ट्यातील उद्योजकांच्या समस्या बाबत चर्चा करण्यासाठी आमदार शंकर मांडेकर यांच्या प्रमुख उपस्थितीत माजी जिल्हा परिषद सदस्य चंद्रकांत बाठे व वेळूचे माजी सरपंच माजी उपसभापती अमोल पांगारे यांनी या बैठकीचे आयोजन केले होते. बैठकीस राष्ट्रवादीचे तालुकाध्यक्ष संतोष घोरपडे, भोरचे माजी उपसभापती विक्रम खुटवड, भोरचे प्रांताधिकारी डॉ. विकास खरात, तहसीलदार राजेंद्र नजन, गटविकास अधिकारी किरणकुमार धनवाडे, पोलिस अधिकारी अजित पाटील, वीज वितरण कंपनीचे कार्यकारी अभियंता भालचंद्र गवई, नवनाथ घाटुळे, महामार्ग प्राधिकरणाचे लक्ष्मण पाटील, सुभाष घंटे, विकास कुलकर्णी, पद्माकर चांडके, जयेश बदाने यांच्यासह विविध विभागाचे शासकीय अधिकारी उपस्थित होते.
बैठकीत वीज वितरण कंपनीस वेळू उपकेंद्र जागा उपलब्ध करून दिली तर केंद्र होत नाही. याबद्दल उद्योजक राहुल पांगारे यांनी नाराजी व्यक्त केली. तसेच अनेक उद्योजकांनी वीज पुरेशी उपलब्ध होत नसल्याची समस्या मांडली. अनेक ठिकाणी झालेली रस्त्याची दुरवस्था, महामार्गावर शिवरे येथे रस्ता पार करण्यासाठी पादचारीपूल व्हावा, कचरा व्यवस्थापन व्हावे,महामार्गाचे सेवा रस्ते दुरुस्त व्हावे, अग्निशमन केंद्र अशा अनेक मागण्या यावेळी मांडल्या.
नसरापूर व कासुर्डी खे.बा. येथे अग्निशमन केंद्र होणार असल्याचे त्यांनी सांगितले. कचरा निर्मूलनासाठी किकवी येथे कचरा प्रकल्प चालू झाला आहे. लवकरच केळवडे येथे कचरा प्रकल्प होत आहे. महामार्गाच्या सेवा रस्त्याबाबत प्राधिकरण व ठेकेदार यांच्या बरोबर बैठक झाली असून, लवकरच दोन्ही बाजूचे सेवा रस्ते दुरुस्तीसह पक्के होत आहेत इतरही काही उद्योजकांच्या समस्या आहेत. त्याबाबत संबंधित विभागांशी बोलून त्या सोडवल्या जातील, असे आश्‍वासन दिले.
अमोल पांगारे यांनी स्वागत केले. सूत्रसंचालन विठ्ठल पवार यांनी केले.
05409
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.