शिवऱ्यात सुळे यांच्या हस्ते सोयाबीनचे वाटप

नसरापूर, ता.८ शिवरे (ता.भोर) येथे ‘विकसित कृषी संकल्प अभियान’ अंतर्गत आयोजित कार्यक्रमात खासदार सुप्रिया सुळे यांच्या हस्ते शेतकऱ्यांना सोयाबीनच्या उन्नत बियाण्यांचे तसेच कीडनाशक व औषधांचे वाटप करण्यात आले. बारामती कृषी विज्ञान केंद्राच्या सहकार्याने या उपक्रमाचे आयोजन केले होते.
कार्यक्रमात राहुरी कृषी विद्यापीठाचे ज्येष्ठ निवृत्त कडधान्य शास्त्रज्ञ डॉ. बाळकृष्ण जमदग्नी यांनी सोयाबीन पिकाचे अधिक उत्पादन घेण्यासाठी आवश्यक असणाऱ्या तांत्रिक बाबी, पेरणी, कीड व रोग व्यवस्थापन आदींची माहिती दिली.
दरम्यान, उपक्रमाअंतर्गत शिवरे गावातील ९० आणि रांजे गावातील १२ शेतकऱ्यांना सोयाबीनच्या उन्नत वाणांचे बियाणे वितरित करण्यात आले. त्यासोबतच आवश्यक कीटकनाशके व औषधे यांचाही पुरवठा करण्यात आला.
कार्यक्रमास प्रमुख पाहुणे म्हणून राष्ट्रीय अजैविक ताण व्यवस्थापन संस्था, माळेगाव चे संचालक डॉ. समी रेड्डी, प्रमुख व वरिष्ठ शास्त्रज्ञ, कृषी विज्ञान केंद्र,बारामतीचे डॉ. धीरज शिंदे, विषयतज्ञ संतोष करंजे ,संतोष गोडसे,ऊस शास्त्रज्ञ डॉ. एस.एम. पवार, शिवरेच्या सरपंच अमृता गायकवाड, तालुका कृषी अधिकारी शरद धर्माधिकारी यांच्यासह केळवडे, कांजळे आणि शिवरे परिसरातील शेकडो शेतकरी मोठ्या संख्येने उपस्थित होते. उपस्थितीत होते.

05449