मोबाईल चोरट्यास नसरापूरमध्ये अटक

खेड शिवापूर, ता. १० ः खेड शिवापूर (ता. हवेली) येथे महामार्गावरील बसथांब्यावर थांबलेल्या प्रवाशाच्या हातातील मोबाईल हिसकावून चोरट्यांनी पलायन केले होते. प्रवाशाने त्वरित खेड शिवापूर पोलिस चौकीत तक्रार करून चोरट्यांचे वर्णन सांगितल्यावर राजगड पोलिस व जिल्हा गुन्हे शाखेच्या पोलिसांनी सतर्कतेने चोरलेल्या मोबाईलचा माग काढत नसरापूरमध्ये एका चोरट्यास अटक केले.
ब्रिजभुषण नंदकुमार दुबे (वय २५, रा. निगडी, पुणे. मुळ राहणार बाबू पेठ चंद्रपूर) हे मंगळवारी (ता. ८) शिवापूर येथील महामार्गावर उभे असताना चोरट्यांनी दुकाचीवर येत त्यांच्या हातातील १३ हजार रुपये किमतीचा मोबाईल हिसकावून शिवापूर टोलनाक्याच्या बाजूकडे पलायन केले. या बाबत दुबे यांनी त्वरित राजगड पोलिस ठाण्याच्या शिवापूर चौकीत दाखल केल्यावर पोलिसांनी तातडीने सूत्रे हलवली. त्यानंतर पोलिसांनी त्वरित आरोपीला अटक केले. अझर हुसेन अन्सारी (वय २१, रा. संतोषनगर, कात्रज) असे चोरट्याचे नाव आहे. त्याला न्यायालयासमोर हजर केले असता त्यास दोन दिवसांची पोलिस कोठडी देण्यात आली आहे