रुग्णवाहिका १०८ च्या तत्परतेमुळे उपचार वेळेत

नसरापूर, ता. १७ : भोर एसटी स्टँन्डमध्ये एक अनोळखी वयस्कर व्यक्ती आजारी अवस्थेत पडला असून त्यांच्या जखमांमध्ये कृमी झाल्याची माहिती मिळताच किकवी (ता. भोर) येथील १०८ रुग्णवाहिकेवरील तातडीचे वैद्यकीय अधिकारी डॉ. मंदार माळी यांनी रुग्णवाहिका आणि सहकाऱ्यांसह या ठिकाणी जाऊन त्या बेवारस वृद्धाच्या जखमा स्वच्छ करून प्राथमिक उपचार केले. दरम्यानच्या काळात पोलिसांनी वृद्धाचे नातेवाईक शोधले. नातेवाइकांसह १०८ रुग्णवाहिकेत पुढील उपचारासाठी पुणे येथील ससून रुग्णालयात पाठवून त्यांना जीवदान दिले. यासाठी रुग्णवाहिका चालक सुधीर कदम यांचे सहकार्य मिळाले. या सेवेबद्दल बसस्थानक अधिकारी प्रदीप इंगवले यांनी डॉ. माळी, कदम, डॉ. प्रियंका जावळे, सुजित पाटील, संतोष ऐनपुरे यांचे आभार मानले.