कोयत्याचा धाक दाखवून दमदाटी केल्याप्रकरणी गुन्हा

खेड शिवापूर, ता. १९ ः वेळू फाट्यावर जुन्या भांडणाच्या रागातून टेम्पो अंगावर घालून झालेल्या खून प्रकरणातील एका आरोपीनेही विरोधी तक्रार दाखल करत चार अल्पवयीन मुलांसह दोघांनी हातात कोयता घेऊन शिवीगाळ व दमदाटी केल्याची फिर्याद राजगड पोलिस ठाण्यात दाखल केली आहे. दिगंबर ऊर्फ साहिल अनिल पांगारे (वय २४) याने या बाबत फिर्याद दाखल केली आहे.
याबाबत अधिक माहिती अशी की, शनिवारी (ता. १६) पहाटे अडीच वाजण्याच्या सुमारास वेळू गावच्या हद्दीत जुन्या भांडणाच्या रागातून तू अमिन शेख याच्या वादामध्ये का पडतो? तुझा काय संबंध? असे म्हणून शंभु बलभीम अढामुळे (वय १८, रा. वेळू, ता. भोर) व अविनाश देवदास सातपुते (वय १८, रा. कात्रज, पुणे) यांच्यासह चार अल्पवयीन मुलांनी बेकायदा गर्दी जमाव जमवून यातील अविनाश सातपुते व एका अल्पवयीन या दोघांनी हातात कोयता घेऊन धमकावून, तसेच इतर सर्वांनी शिवीगाळ व दमदाटी केली.
या बाबत राजगड पोलिस ठाण्यात गुन्हा दाखल करण्यात आला असून, पुढील तपास सहाय्यक फौजदार किरण बरकले करत आहेत.