भोरमध्ये ठाकरे शिवसेनेकडून सहा ठिकाणचे उमेदवार जाहीर

नसरापूर, ता. १९ : भोर तालुक्यात शिवसेना उद्धव बाळासाहेब ठाकरे पक्षाच्या वतीने सोमवारी तीन जिल्हा परिषद गट व तीन पंचायत समिती गणामधील उमेदवारांची नावे जाहीर करण्यात आली. त्यानंतर शिंदेवाडी ते भोर, अशी फेरी काढून यातील काही उमेदवारांनी उमेदवारी अर्ज दाखल केले.
सोमवारी अर्ज दाखल करण्याच्या चौथा दिवस होता. तरीही मुख्य पक्षांची उमेदवारी निश्चित झालेली नाहीत. त्यात शिवसेना उद्धव बाळासाहेब ठाकरे पक्षाने आघाडी घेत नसरापूर- वेळू या गटासाठी अनिकेत ज्ञानेश्वर शिंदे यांना, तर वेळू गणासाठी महेंद्र भोरडे व नसरापूर गणासाठी सचिन बांदल, कामथडी- भोंगवली जिल्हा परिषद गटासाठी दशरथ गोळे, भोलावडे- शिंद जिल्हा परिषद गटासाठी अभिजित धुमाळ, शिंद गणासाठी वैशाली भरत साळुंके यांची उमेदवारी शिवसेनेचे जिल्हा संघटक ज्ञानेश्वर शिंदे, तालुकाप्रमुख दशरथ गोळे, दक्षिण तालुकाप्रमुख भरत साळुंके यांनी जाहीर केली
नसरापूर पंचायत समिती गणासाठी शिवसेनेकडे प्रबळ इच्छुक असलेले सचिन बांदल यांनी उमेदवारीसाठी डावलले जात असल्याचे निदर्शनास येताच शिवसेना उद्धव बाळासाहेब ठाकरे पक्षात सोमवारी सकाळी जिल्हाप्रमुख प्रकाश भेगडे यांच्या प्रमुख उपस्थितीत प्रवेश केला.