प्रकाश बहिरट यांचे निधन

न्हावरे, ता. ४ : येथील न्हावरे विविध सहकारी संस्थेचे माजी अध्यक्ष प्रकाश मारुती बहिरट (वय ६०) यांचे हृदयविकाराच्या तीव्र झटक्याने निधन झाले. न्हावरे येथील श्री भैरवनाथ यात्रा, तसेच नवरात्र महोत्सवात त्यांचा कायम पुढाकार होता. येथील श्री भैरवनाथ मंदिर व हनुमान मंदिर जिर्णोद्धार कामातही त्यांचे योगदान होते. त्यांच्या पश्चात पत्नी, दोन मुले, सुना, नातवंडे असा परिवार आहे. पुणे जिल्हा सहकारी बॅंक शाखा वडगाव रासाईचे व्यवस्थापक पंकज बहिरट व युवा उद्योजक अक्षय बहिरट हे त्यांचे पुत्र, तर ऐश्वर्या पतसंस्थेचे माजी उपाध्यक्ष विकास बहिरट हे बंधू व पुणे शहर पोलिस उपनिरीक्षक बाळासाहेब बहिरट हे चुलत बंधू होत.