निरगुडसरला दत्तजयंतीनिमित्त विविध कार्यक्रम

निरगुडसर, ता. १३ : निरगुडसर (ता. आंबेगाव) येथील पंडित जवाहरलाल नेहरू माध्यमिक व दत्तात्रेय गोविंदराव वळसे पाटील उच्च माध्यमिक विद्यालयाच्या प्रांगणात शनिवारी (ता. १४) दतजयंतीनिमित्त विविध धार्मिक कार्यक्रमाचे आयोजन केले आहे.
सकाळी ६ ते ७ वाजता श्रींचा अभिषेक व पूजा, ९.३० ते १०.१५ वाजता मुंजाबा प्रासादिक भजन मंडळ दांगटवस्ती यांचा भजनाचा कार्यकम होईल. सकाळी १०.१५ ते ११.४५ भरत महाराज थोरात यांचे प्रवचन होईल. दुपारी १२ वाजता दत्तजन्म सोहळा होईल. त्यानंतर सर्वांना महाप्रसाद देण्यात येईल. या कार्यक्रमाला ज्येष्ठ नेते प्रतापराव वळसे पाटील, संस्थेचे अध्यक्ष प्रदीप वळसे पाटील, जिल्हा परिषदेचे माजी उपाध्यक्ष विवेक वळसे पाटील, संस्थेचे उपाध्यक्ष रामदास वळसे पाटील उपस्थित राहणार असल्याची माहिती प्राचार्य कांताराम टाव्हरे यांनी दिली.