बावडा, गणेशवाडीतील फुलांना मागणी

नीरा नरसिंहपूर, ता.१ : बावडा, नरसिंहपूर, गणेशवाडी (ता. इंदापूर) येथील झेंडूच्या फुलांना पुण्यासह इतर बाजारापेठांमध्ये चांगली मागणी असते. त्यामुळे शेतकऱ्यांनी मोठ्या प्रमाणावर बाजारात झेंडू विक्रीस पाठविला आहे. घाऊक बाजारात एक किलो ओल्या झेंडूला ४० ते ५० रुपये आणि चांगल्या प्रतीच्या सुक्या झेंडूला १०० ते १२० रुपये बाजारभाव मिळत आहे.
बावडा, नरसिंहपूर, इंदापूर परिसरातील शेतकऱ्यांनी मोठ्या प्रमाणावर झेंडू विक्रीस पाठविला आहे. पावसामुळे झेंडूच्या प्रतवारीवर परिणाम झाला. घरगुती ग्राहक आणि व्यापाऱ्यांकडून फुलांची खरेदी केली जात असल्याने झेंडूची आवक आणखी वाढणार आहे. यंदा झेंडूचे दर तेजीत राहणार असून, सुक्या झेंडूला चांगले दर मिळणार आहेत.

गणेशोत्सव, दसरा, दिवाळीत फुलांना उच्चांकी मागणी असते. दसऱ्याला झेंडूला चांगले दर मिळतात. त्यामुळे शेतकरी झेंडूची फुले राखून ठेवतात, असे शेतकरी मच्छिंद्र शिंदे यांनी सांगितले.
दसरा, दिवाळीसाठी झेंडू चांगली मागणी असते त्यामुळे शेतकरी झेंडू राखून ठेवतात. दसऱ्यापूर्वी झेंडूची तोड केली जाते. परंतु पावसाच्या तडाख्यातून वाचलेला झेंडूला चांगला बाजारभाव मिळण्याची आशा असल्याचे लखन शिंदे यांनी सांगितले.