गांजा ओढणाऱ्यावर ओतूरमध्ये कारवाई

ओतूर, ता. १५ : येथील स्मशानभूमीजवळ अमली पदार्थ सेवन करणाऱ्या शुभम बाळासाहेब गायकवाड (वय २४, रा. ओतूर, ता. जुन्नर) या तरुणावर कारवाई केल्याची माहिती सहायक पोलिस निरीक्षक एल. जी. थाटे यांना मिळाली.
ओतूर येथील स्मशानभूमीजवळ काही तरुण अमली पदार्थ सेवन करत असल्याचे माहिती ओतूरचे सहायक पोलिस निरीक्षक एल. जी. थाटे यांना मिळाली. त्यानुसार त्यांनी पोलिस उपनिरीक्षक युवराज जाधव, हवालदार दिनेश साबळे, कर्मचारी मयूरी खोसे, ज्योतिराम पवार व इतरांच्या पथकाने पंचासमक्ष तेथे छापा टाकला. तेथे शुभम हा कोणता तरी अमली पदार्थ सेवन करत असल्याचे मिळून आला. त्याने गांजा सेवन करत असल्याची कबूल दिली. त्याची वैद्यकीय तपासणी केली असून, पोलिस अंमलदार ज्योतिराम पवार यांनी त्याचे विरुद्ध कारवाई केली.