ओतूर बाजारात कांद्याच्या १४ हजार पिशव्यांची आवक

ओतूर, ता. २४ ः ओतूर (ता. जुन्नर) येथील कृषी उत्पन्न बाजार समितीच्या उपबाजारात रविवारी (ता. ८) कांद्याच्या १४ हजार २०६ पिशवीची आवक झाली होती. त्यात उच्च प्रतीच्या कांद्याला प्रती किलोला १७ ते २१ रुपयांपर्यंत बाजारभाव मिळाला असल्याची माहिती कृषि उत्पन्न बाजार समितीचे सभापती संजय काळे, उपसभापती प्रीतम काळे व व्यवस्थापक सतीश मस्करे यांनी दिली. गेल्या काही दिवसांपासून कांद्याचे बाजारभाव घसरलेले होते. त्यामध्ये थोड्या प्रमाणात सुधारणा झालेली दिसून येत आहे. ओतूर उपबाजारात गुरुवारी (ता. १२) एकूण १४ हजार २०६ कांदा पिशवी आवक झाली होती. त्याला प्रतिदहा किलो गोळा कांद्याला १७० ते २११, सुपर कांदा १३० ते १९०, गोल्टी/ गोल्टा ३० ते १४०, बदला कांदा २० ते १२० रुपये बाजारभाव मिळाला होता. रविवारी (ता. ८) एकूण १० हजार ४९२ कांदा पिशवी आवक झाली होती. त्याला प्रतिदहा किलो गोळा कांद्याला १६० ते २०१, सुपर कांदा १२० ते १७०, गोल्टी/ गोल्टा ३० ते १३०, बदला कांदा २० ते १०० रुपये असा बाजारभाव मिळाला होता.