अज्ञात वाहनाच्या धडकेत उदापुरमध्ये एकाचा मृत्यू

ओतूर, ता.१९ : उदापूर (ता.जुन्नर) येथे अहिल्यानगर कल्याण महामार्गावर पुष्पावती नदीवरील पुलावर अज्ञात वाहनाच्या धडकेत
दुचाकीस्वार जागीच ठार झाला आहे. श्रीराम देवस्थान ट्रस्टचे अध्यक्ष व माजी आदर्श सरपंच पांडुरंग सहदेव शिंदे (वय ७६ रा.उदापूर ता.जुन्नर) असे मृत्यू झालेल्या व्यक्तीचे नाव आहे.
हा अपघात बुधवारी (ता.१८) रात्री आठच्या दरम्यान उदापूरातील अहिल्यानगर कल्याण महामार्गावर झाला. दरम्यान, शिंदे हे बनकरफाटा येथून महामार्गाने उदापूर येथे येत होते. त्यावेळी पुष्पावती नदीवरील पुलावरवाहनाच्या धडकेत ते जागीच ठार झाले. त्यांच्या अपघाती निधनाने परिसरात हळहळ व्यक्त केली जात आहे.

00324