चिल्हेवाडी धरणात मृतदेह आढळला

ओतूर, ता. ५ : मुथाळणे (ता. जुन्नर) येथील महिला येसलठा येथील मांडवी नदी पात्रात बेपत्ता झाली होती. तीचा मृतदेह सहा दिवसांनी चिल्हेवाडी धरणात आढळून आला.
झुंबराबाई भाऊ बारे (वय अंदाजे ४७), असे या मृत महिलेचे नाव आहे. त्या सोमवारपासून (३० जून) बेपत्ता होत्या. त्यांचा शोध मांडवी नदीपात्रात स्थानिक नागरिक व जुन्नर रेस्क्यू टीमचे सदस्य करीत होते. मात्र, भौगोलिक परिस्थिती व पाऊस नदीतील पाण्याचा वेगवान प्रवाह यामुळे शोध कार्यरत अडथळे निर्माण येत होते. अखेर शनिवारी दुपारी चिल्हेवाडी धरणाच्या जलाशयात या महिलेचा मृतदेह मिळाला. या शोधकार्यात शिवजन्मभूमी जुन्नर रेस्क्यू टीमचे सदस्य राजकुमार चव्हाण, धनंजय मिरगुंडे, महेंद्र नवले, मुदस्सर इनामदार, ओम बिडवई, आदित्य आचार्य, संदीप पारधी, सिद्धार्थ जाधव, रूपेश जगताप, सुदर्शन कांबळे, विजय वायाळ यांनी सहभाग घेतला होता.