पैशांचा पाऊस पाडणाऱ्या टोळीला बेड्या

ओतूर, ता.२ : ओतूर (ता.जुन्नर) येथील पोलिसांनी पैशाचा पाऊस पाडतो, असे सांगून लाखो रुपयांची फसवणूक करणाऱ्यांना टोळीला अटक केली आहे.
याप्रकरणी आदेश महाराज, अरुण लिखरे मुकणे (रा. वसद शेलवली, अंबरनाथ, ता. कल्याण, जि. ठाणे), गौरख विश्वास शिंदे, (रा. निमगाव सावा, ता. जुन्नर), राजेंद्र प‌द्माकर भले (रा. मोरोशी, ता. मुरबाड, जि.ठाणे), रशीद अहमद शेख, (रा. बळेगाव टोकावडा, ता. मुरबाड, जि.ठाणे), गुरूनाथ गंगाराम वाघ, (रा. खरोड अंबरनाथ, ता. कल्याण, जि. ठाणे), गणेश वाघ यांच्याविरूद्ध गुन्हा दाखल केला आहे.
याप्रकरणी सुवर्णा प्रदीप ओवळ (वय ३७ मूळ रा.४२, चीलठण ता. डोंवत जि. रायगड सध्या रा. आंबेठाण चाकण ता. खेड) पोलिसात फिर्याद दिली आहे, अशी माहिती
ओतूर पोलिस ठाण्याचे सहायक पोलिस निरीक्षक एल. जी. थाटे यांनी दिली.
याबाबत अधिक माहिती अशी की, ओतूर पोलिस ठाण्याच्या हद्दीत २० मे रोजी सायंकाळी ७.३० वाजण्याच्या सुमारास आदेश महाराज, अरुण मुकणे व गणेश वाघ यांनी फिर्यादी महिला व फिर्यादीचे पती यांना पैशाचा पाऊस पाडून देतो, असे सांगून त्यांच्याकडून दोन लाख रुपये घेतले व फसवणूक केली. दरम्यान, याबाबत ओतूर पोलिसात शुक्रवारी (ता.१) आणखी दोन जणांची अशाच प्रकारे फसवणूक केल्याची फिर्यादी पोलिस ठाण्यात दिली.
दरम्यान, शुक्रवारी सकाळी ओतूर पोलिसांच्या पथकाने सापळा रचून मुकणे, गौरव विश्वास शिंदे, राजेंद्र प‌द्माकर भले, रशीद अहमद शेख, गुरुनाथ गंगाराम वाघ यांना खुबी (ता. जुन्नर) थीलये भांगलेवस्ती येथे सापळा रचून पकडले. त्यावेळी पत्राशेडमध्ये आरोपी फिर्यादींची फसवणूक करताना आढळून आले.