ओतूर परिसरात कांदा रोपे धोक्यात

ओतूर, ता.२१ : ओतूर (ता.जुन्नर) परिसरातील गावांत मंगळवारी (ता.२१) दुपारी साडेतीन वाजण्याच्या सुमारास मोठ्या थेबांसह वादळी वाऱ्यासह विजेच्या कडकडाटात जोरदार पाऊस झाला. यामुळे कांदा रोपे धोक्यात आली आहेत.
सोयाबीन उत्पादक शेतकऱ्याचे ज्यांची सोयाबीन शेतात आहे किंवा उपटून शेतात गोळा करून ठेवली आहे. त्या शेतकऱ्यांची शेतात रचून ठेवलेली किंवा वाळत घातलेली सोयाबीन झाकून ठेवण्यासाठी मोठ्या धावपळ करावी लागली. पावसामुळे ओतूर, उदापूर, डिंगोरे, पिंपळगाव जोगा, कोळवाडी, वाटखळ, बल्लाळवाडी, नेतवड, माळवाडी या व इतर गावांमध्ये कांदा रोपे ज्या शेतकऱ्यांनी टाकली आहे. त्यात ज्याच्या शेतात पावसाचे पाणी साचून राहत आहे अशा शेतकऱ्यांच्या कांदा रोपांची मोठ्या प्रमाणात मर होणार आहे. तसेच इतर पिकांमध्ये ही रोगाचे प्रमाण वाढणार आहे. तर शेतात भिजलेल्या सोयाबीन च्या शेंगाचे दाणे काळे पडणार आहे. त्यामुळे सोयाबीन उत्पादक शेतकरी ही अडचणीत येणार आहे.
याबाबत जिंतेद्र मोधे व विजय लोहोटे म्हणाले या आठ दिवसांत दोन ते तीन वेळा थोडाच वेळ मात्र जोरदार पाऊस झाला त्यामुळे कांदा रोपे वाया जायची शक्यता वाढली असून कांदा रोपांची मर मोठ्या प्रमाणात होऊन शेतकऱ्यांचे नुकसान होणार आहे.

00923