धोलवडमध्ये ‘एकता मिसळ महोत्सव’ उत्साहात

ओतूर, ता.१० : धोलवड (ता. जुन्नर) येथील ग्रामविकास ट्रस्ट, ग्रामस्थ व सर्व सेवाभावी संस्था यांच्या संयुक्त विद्यमाने रविवारी (ता.९) ‘एकता मिसळ महोत्सव’ हा आगळावेगळा कार्यक्रम जिल्हा परिषद प्राथमिक शाळेत मोठ्या उत्साहात पार पडला.
यावेळी धोलवड ग्रामविकास ट्रस्टचे अध्यक्ष ॲड.कुलदीप नलावडे, उपसरपंच सोमनाथ नलावडे, विविध कार्यकारी सोसायटी उपाध्यक्ष भारत नलावडे, अमृतकुंभ पतसंस्थेचे सचिव सीताराम ओझरकर, ज्येष्ठ नागरिक संघाचे अध्यक्ष गुलाबराव नलावडे, धोलवड ट्रस्टचे उपाध्यक्ष शिवाजीराव नलावडे, प्रदीप नलावडे, सचिव योगेश नलावडे, खजिनदार मच्छिंद्र दिघे, ज्ञानेश्वरी महिला ग्रामसंघाच्या प्रमिला नलावडे, ग्राम शिक्षण सेवा मंडळाचे विष्णू नलावडे यांसह विविध संस्थांचे पदाधिकारी सदस्य व ग्रामस्थ मोठ्या संख्येने उपस्थित होते. या उपक्रमाद्वारे गावातील सर्व क्षेत्रातील नागरिकांनी एकत्र येऊन पारंपरिक मराठी खाद्यसंस्कृती मिसळीचा आनंद लुटला. हा कार्यक्रम यशस्वी गावातील सामाजिक कार्यकर्ते व सर्व संस्थांनी परिश्रम घेतले.

01014