वाघिरे महाविद्यालयात जागतिक मातृभाषा दिन साजरा

ओतूर, ता. २२ : ओतूर (ता. जुन्नर) येथील अण्णासाहेब वाघिरे महाविद्यालयात ‘जागतिक मातृभाषा दिन’ आनंदी वातावरणात पार पडल्याची माहिती प्राचार्य डॉ. रमेश शिरसाट व मराठी विभाग प्रमुख डॉ. वसंत गावडे यांनी दिली.
या कार्यक्रमाची सुरुवात प्रमुख मान्यवरांच्या शुभहस्ते सरस्वती पूजनाने व पुष्पहार अर्पण करून करण्यात आली. डॉ. राजेश रसाळ यांनी प्रास्ताविक केले.
डॉ. रमेश शिरसाट, विद्यार्थी प्रतिनिधी अर्णव बेनके व सूरज राजुरे या विद्यार्थ्यांनी मनोगत व्यक्त केले.
यानिमित्त डॉ. रमेश गोपाळे यांच्या ‘मराठीच्या विविध बोली’ या विशेष व्याख्यानाचे आयोजन केले होते.
याप्रसंगी उपप्राचार्य डॉ. कल्याण सोनावणे, डॉ. नीलेश काळे, डॉ. रमेश काशिदे, प्रा. विद्या कोठावळे, प्रा. जनार्दन नाडेकर प्रा. अंकुश मोध्ये, राष्ट्रीय सेवा योजना कार्यक्रम अधिकारी डॉ. राजेंद्र आंबवणे हे उपस्थित होते.
डॉ. रोहिणी मदने यांनी सूत्रसंचालन केले. डॉ. विनायक कुंडलिक यांनी आभार मानले.