डुंबरवाडीत दोन शेळ्या बिबट्याच्या हल्ल्यात ठार

ओतूर, ता.१० : डुंबरवाडी (ता.जुन्नर) येथील ओतूर-डुंबरवाडी शिवेवर मंगळवारी (ता.१०) पहाटे चार वाजता बिबट्याने मेढ्यांच्या कळपावर हल्ला करून दोन शेळ्या ठार केल्या आहे.
याबाबत अधिक माहिती अशी की, बाबाजी टकले यांच्या मेंढ्याच्या कळप सोमवारी रात्री अहिल्यानगर कल्याण महामार्गावरील सुरेश शिवराम डुंबरे यांच्या शेतात मुक्कामी होता. या मेढ्यांच्या कळपावर बिबट्याने जाळीत घुसून दोन शेळ्या ठार केल्या.
घटनेची माहिती डुंबरवाडीचे पोलिस पाटील किरण भोर यांनी ओतूर वनविभागाला माहिती दिली. ओतूरचे वनक्षेत्र अधिकारी चैतन्य कांबळे यांच्या मार्गदर्शनाखाली वनरक्षक विश्वनाथ बेले व वनकर्मचारी यांनी घटनास्थळी जाऊन पंचनामा केला. संबंधित व्यक्तीला आर्थिक नुकसान भरपाई दिली जाईल, अशी माहिती वनविभागाकडून देण्यात आली आहे .
दरम्यान, बिबट्याचा बंदोबस्त करण्यासाठी पिंजरा लावावा, अशी मागणी नागरिकांच्या वतीने सरपंच शीतल गोरे यांनी केली आहे.