शिरोली बुद्रुकच्या शाळेत वृक्षारोपण

ओझर, ता. २४ : शिरोली बुद्रूक (ता. जुन्नर) येथील न्यू इंग्लिश स्कूलमध्ये सामाजिक वनीकरण परिक्षेत्र जुन्नर यांच्या माध्यमातून वनपरिक्षेत्र अधिकारी समीर इंगळे यांच्या मार्गदर्शनाखाली वनमहोत्सव अंतर्गत ‘एक पेड मॉं के नाम’ हा उपक्रम राबविण्यात आला. यामध्ये प्रत्येक शालेय विद्यार्थ्याला एक रोप याप्रमाणे ४५० वृक्षांच्या रोपांचे वाटप करण्यात आले.
पर्यावरण वाचविण्यासाठी प्लास्टिक संकलन करण्यात आले. यावेळी माजी सैनिक वनरक्षक रमेश खरमाळे, वनपाल मनिषा काळे, शौकत अली मोमीन, राष्ट्रीय हरित सेना प्रमुख संतोष देवकुळे यांनी मुलांना मार्गदर्शन केले. सांस्कृतिक विभाग प्रमुख रामचंद्र अय्यर यांनी प्रास्ताविक केले. विद्यालयाच्या पर्यवेक्षिका अनघा घोडके यांनी आभार मानले. याप्रसंगी सरपंच प्रदीप थोरवे, डॉ. भिवसेन राऊत, पालक शिक्षक संघाचे उपाध्यक्ष सचिन थोरवे, शाळा व्यवस्थापन समितीचे उपाध्यक्ष सुनील विधाटे आदी उपस्थित होते.