मलठणमधील २६७ अर्जांचा तत्काळ निपटारा

कवठे येमाई, ता. ७ : मलठण (ता. शिरूर) येथे छत्रपती शिवाजी महाराज महाराजस्व अभियानांतर्गत शिरूर महसूल विभागाच्यावतीने एकदिवसीय महसूल शिबिराचे आयोजन केले होते. या शिबिरात २८४ अर्जांपैकी २६७ अर्जांचा तत्काळ निपटारा करण्यात आला. शिल्लक अर्ज संबंधित विभागांकडे पाठवण्यात आल्याची माहिती तहसीलदार बाळासाहेब म्हस्के व मंडल अधिकारी विजय फलके यांनी दिली.
महाराष्ट्र शासनाच्या वतीने १ ते ८ ऑगस्ट दरम्यान सुरू असलेल्या महसूल सप्ताहाच्या अंतर्गत १५० दिवसांच्या कृती आराखड्यानुसार हे समाधान शिबिर घेण्यात आले. शिबिरात सेतू नागरी सुविधा केंद्र, ग्रामपंचायत विभाग, महसूल विभाग, कृषी विभाग, पशुसंवर्धन विभाग, भूमी अभिलेख व सार्वजनिक आरोग्य विभाग या सात खात्यांशी संबंधित अर्ज प्राप्त झाले होते. तसेच, या शिबिरात २२५ नागरिकांना आवश्यक प्रमाणपत्रे, ओळखपत्रे, दाखले व आदेश वितरित करण्यात आले.
यावेळी तहसीलदार बाळासाहेब म्हस्के, मंडल अधिकारी विजय फलके, गट विस्तार अधिकारी बाळासाहेब गावडे, ग्रामपंचायत अधिकारी चेतन वाव्हळ, सरपंच माधुरी थोरात, सुदाम गायकवाड, सुरेश गायकवाड, देविदास थोरात, मुकुंद नरवडे, विविध विभागाचे अधिकारी, कर्मचारी व शेतकरी उपस्थित होते.

आकडेवारी
शिबिरात दाखल झालेले अर्ज - २८४
कार्यवाही पूर्ण झालेले अर्ज - २६७
प्रमाणपत्र/दाखले/ आदेश वितरित केलेले लाभार्थी - २२५

समाधान शिबिरात दाखल झालेले अर्ज (खातेनिहाय)

खाते --- दाखल अर्ज --- कार्यवाही पूर्ण
महा ई सेवा केंद्र (सेतू) -- ८५ -- ८५
ग्रामपंचायत विभाग -- ७६ -- ७६
महसूल विभाग -- ७४ -- ७४
कृषी विभाग -- २५ -- १५
पशुसंवर्धन विभाग -- १५ -- १५
भूमी अभिलेख -- ७ -- ००
सार्वजनिक आरोग्य विभाग - २ -- २
एकूण -- २८४ -- २६७