असाणे येथील सरळसेवा परीक्षेत ३०२ विद्यार्थ्यांचा सहभाग

फुलवडे, ता. ११ ः असाणे (ता. आंबेगाव) येथील आदिवासी क्रांती संघटनेने श्री काळभैरवनाथ यात्रा उत्सवाचे औचित्य साधून आगामी सरळसेवा भरतीच्या धर्तीवर चौथ्यांदा सराव लेखी परीक्षेचे आयोजन शासकीय माध्यमिक आश्रमशाळा, असाणे याठिकाणी ३१ मार्च रोजी केले होते. या परीक्षेचा निकाल सोमवारी (ता. ७) जाहीर केला. या परीक्षेत आंबेगाव, जुन्नर, खेड, तालुक्यातील तसेच पालघर जिल्ह्यातील विविध भागातून एकूण ३०२ विद्यार्थ्यांनी सहभाग घेतल्याची माहिती आदिवासी क्रांती संघटनेचे अध्यक्ष सागर ठुबळ यांनी दिली.

प्रथम तीन क्रमांक प्राप्त करणारे परीक्षार्थी
मोठा गट (११ वी ते पदवी)
सोमनाथ विठ्ठल उतळे (अंजनावळे, ता. जुन्नर), गुण ६४.
ऋतिक बाळू चिमटे (आंबे ता. जुन्नर), गुण ६३.
लक्ष्मण भिका साबळे (राजेवाडी, ता. आंबेगाव), गुण ६०.
• लहान गट (५ वी ते १० वी)
सार्थक बारकू गवारी (हिवरे तर्फे मिन्हेर, ता. जुन्नर), गुण ७१.
अपेक्षा शंकर गवारी (तिरपाड, ता. आंबेगाव), गुण ७०.
श्रेयश बाळू बांबळे (असाणे ता. आंबेगाव), गुण ६८.