घोडेगावात आदिवासी दिनानिमित्त आज कार्यक्रम

फुलवडे, ता. ८ : घोडेगाव (ता. आंबेगाव) येथे शनिवारी (ता. ९) जागतिक आदिवासी दिन साजरा करण्यात येत आहे.
आदिवासी समाज व आदिवासी भागात कार्यरत असलेले सर्व राजकीय पक्ष, संघटना व एकात्मिक आदिवासी विकास प्रकल्प कार्यालय घोडेगाव यांच्या वतीने कार्यक्रम घेण्यात येत असल्याची माहिती प्रकल्प अधिकारी प्रदीप देसाई यांनी दिली.
घोडेगाव शहरात निघणाऱ्या मिरवणुकीत विविध चित्ररथ, ढोल, लेझीम पथक, पारंपरिक वाद्य, क्रांतिकारकांच्या वेशभूषा असणार आहे. मिरवणुकीचे शासकीय इंग्रजी माध्यम आश्रमशाळेत सामाजिक कार्यकर्ते बुधाजी डामसे यांच्या अध्यक्षतेखाली सभेत रूपांतर होणार असून सभेसाठी खासदार डॉ. अमोल कोल्हे, माजी गृहमंत्री तथा आमदार दिलीप वळसे पाटील, माजी खासदार शिवाजीराव आढळराव पाटील उपस्थित राहणार असल्याचे देसाई यांनी सांगितले.