निगडाळे शाळेत ध्वजपूजन

भीमाशंकर : निगडाळे (ता. आंबेगाव) येथील जिल्हा परिषद प्राथमिक शाळेत स्वातंत्र्यदिन प्रभातफेरी, ध्वजपूजन, ध्वजवंदन व शैक्षणिक साहित्य वाटप आदी कार्यक्रमांचे आयोजन करून साजरा करण्यात आला.
स्वातंत्र्य दिनानिमित्त विद्यार्थ्यांनी ‘बेटी बचाव,बेटी पढाव’, ‘भारत माता की जय’, ‘वंदे मातरम्’, ‘स्वातंत्र्य दिनाचा विजय असो’ आदी संदेश फलक हातात घेऊन प्रभातफेरी काढली. ग्रामपंचायत कार्यालयात सदस्या सुरेखा लोहकरे, अंगणवाडी सेविका नंदाबाई लोहकरे, ग्रामसेवक हनुमंत तारडे यांनी ध्वजपूजन व सरपंच सविता कोकाटे यांच्या हस्ते ध्वजवंदन करण्यात आले. प्राथमिक शाळेत शालेय व्यवस्थापन समिती अध्यक्षा अश्विनी लोहकरे, शरद बँकेचे संचालक मारुती लोहकरे यांच्या हस्ते ध्वजपूजन आणि सेवानिवृत्त पोलिस उपनिरीक्षक के.के.लोहकरे यांच्या हस्ते ध्वजवंदन करण्यात आले.
तसेच सामाजिक कार्यकर्ते विनायक लोहकरे यांनी आपली मुलगी चार्वी हिच्या वाढदिवसानिमित्त चित्रकला साहित्य, घोडेगाव येथील प्राध्यापक दिवंगत सतीश रामचंद्र भंडारे यांच्या स्मरणार्थ ओम भंडारे यांच्याकडून लेखन साहित्य पॅड, मुख्याध्यापिका शोभा जाधव यांच्याकडून वह्या आदी शैक्षणिक साहित्याचे वाटप करण्यात आले. यावेळी कृषी विभाग वरिष्ठ लिपिक चिंतामण गेंगजे, काळू कुऱ्हाडे, नामदेव गेंगजे, पांडुरंग कुऱ्हाडे, मुख्याध्यापिका शोभा जाधव, शिक्षक संतोष थोरात, लीलाबाई लोहकरे, लक्ष्मण पोखरकर, संतोष भोर, योगिता भोमाळे, अक्षय कुऱ्हाडे, सुनील कुऱ्हाडे, स्वप्नील अस्वले, अंकुश लोहकरे आदी उपस्थित होते. संतोष थोरात यांनी सूत्रसंचालन व आभार मानले.