बोरघर येथे जनावरांसाठी रोग निदान, उपचार शिबिर

फुलवडे, ता. १० ः बोरघर (ता. आंबेगाव) येथे मंगळवारी (ता. ९) पशुवैद्यकीय चिकित्सालय बोरघर आणि बायफ फाउंडेशन यांच्या संयुक्त विद्यमाने पशुधनासाठी वंध्यत्व निवारण, जंत निर्मूलन, गोचीड निर्मूलन आणि रोग निदान व उपचार शिबिर आयोजित केले होते, अशी माहिती पशुवैद्यकीय अधिकारी सुरेश कड यांनी दिली.
या शिबिरात बोरघर परिसरातील ९१ जनावरांची तपासणी करून उपचार करण्यात आले. तसेच शासनाच्या विविध योजनांची माहिती देण्यात आली तसेच तांत्रिक चर्चासत्र पार पडले.
यावेळी सरपंच विजय जंगले, उपसरपंच राजेंद्र घोडे, सर्व ग्रामपंचायत सदस्य, ग्रामसेवक, शाश्वत संस्था जुन्नरचे अध्यक्ष बुधाजी डामसे, बायफ संस्थेचे जिल्हाप्रमुख पंकज कट्टे व त्यांची सर्व टीम तसेच पशुपालक व ग्रामस्थ उपस्थित होते.

04712