पिंपळवंडी येथे बिबट्याचे दर्शन

पिंपळवंडी, ता.१३ : पिंपळवंडी (ता.जुन्नर) येथे सोमवारी (ता.१३) सायंकाळी पाच वाजण्याच्या सुमारास बिबट्याचे दर्शन झाले. यामुळे नागरिकांमध्ये भीतीचे वातावरण पसरले. गावच्या वेशिजवळील वर्दळीचा असणारा रस्ता संध्याकाळी पाच वाजण्याच्या सुमारास पार करत बाजूलाच असणाऱ्या शेतात बिबट्या गेला असल्याचे नागरिकांनी पाहिले.
दरम्यान वनविभागाला याबाबत कळविल्यानंतर वनविभागाचे अधिकारी, कर्मचारी व जुन्नर रेस्क्यू टीमचे सदस्य घटनास्थळी दाखल झाले. वनकर्मचाऱ्यांना बिबट्याचे ठसे शेतात आढळून आले. आज मतदानाचा दिवस असल्याने गावात गर्दी आहे.
काळवाडी, पिंपरी पेंढार ,पिंपळवंडी या ठिकाणी बिबट्याने मानवावर हल्ले करून त्यांना जखमी व ठार केलेले आहे.त्यामुळे दिवसा बिबट्या दिसल्याने नागरिकांमध्ये भीतीचे वातावरण निर्माण झाले आहे. यापूर्वी देखील सदर रस्त्यावरून रात्रीच्या वेळी बिबट्या जाताना नागरिकांनी अनेकदा पाहिला आहे. या ठिकाणी पिंजरा लावण्याची मागणी ग्रामस्थांनी केलेली आहे.
02038