कांदळीत एआय वापराबाबत चर्चासत्र

पिंपळवंडी, ता.१० : शाश्वत फार्मिंग फाउंडेशनच्या सहकार्याने केळी उत्पादक शेतकऱ्यांसाठी कांदळी (ता.जुन्नर) येथे कृत्रिम बुद्धिमत्तेचा (एआय) वापर करण्यासाठी (एजिंटेल १०एक्स) प्रायोगिक प्रकल्पाबाबत एकदिवसीय चर्चासत्र नुकतेच आयोजन केले होते.

पुणे स्थित फार्म इआरपी, शिवराय टेक्नॉलॉजीचे प्रतीक वावधाने, सूचित भोर, डेक्कन व्हॅली फार्मर्स प्रोड्यूसर कंपनीचे अजय बेल्हेकर, सुनील वामन, विनायक मुळे, रवींद्र थोरात, विजय थोरात, चंद्रकांत गायकवाड, शाश्वत फार्मिंग फाउंडेशनचे अध्यक्ष मंगेश भास्कर, शिवाजी कांबळे, अनुजा गाडेकर, ज्योतिराम वगरे, दत्ता आहेर आणि शशिकांत थोरात, मनीष मोरडे आदी केळी उत्पादक शेतकरी उपस्थित होते.
कृषी क्षेत्रात एआय वापर केल्यास तो शेतकऱ्यांसाठी फायदेशीर ठरणार असल्याचे मंगेश भास्कर यांनी सांगितले.

कृत्रिम बुद्धिमत्तेच्या प्रयोगामध्ये पहिल्या टप्प्यात खोडद, मांजरवाडी, हिवरे व रांजणी परिसरातील सुमारे १०० शेतकऱ्यांच्या केळीबागावर प्रयोग करण्यात येईल. FarmERP, शिवराय टेक्नॉलॉजी व शाश्वत फार्मिंग फाउंडेशन ही संस्था सहयोगी संस्था असणार आहे तसेच डेक्कन फार्मर्स प्रोड्युसर कंपनीच्या माध्यमातून हा प्रकल्प राबविण्यात येणार आहे. या कामी कृषी विज्ञान केंद्र नारायणगाव व कृषी विभाग महाराष्ट्र शासन,सह्याद्रि फार्म्स यांचे सहकार्य लाभणार आहे.

एक वर्षासाठी मोफत प्रकल्प
उपग्रह आधारित पीक निरीक्षण, हवामान आधारित कृषी सल्ला, कीड व रोगांची पूर्व सूचना, खत व्यवस्थापन, उत्पादनाचा अंदाज, पाण्याचे काटेकोर नियोजन यासाठी एआयचा वापर होणार आहे. एक वर्षे या प्रकल्पाचे अपेक्षित परिणाम जाणून घेण्यात येणार असून हा प्रकल्प मोफत असणार आहे.
02469