घरासमोरच बिबट्याचे गाजरपट येथे दर्शन

पिंपळवंडी : ता.१४ : गाजरपट (ता.जुन्नर) शिवारातील शेतकरी मनोहर धोंडिभाऊ गाजरे यांच्या घरासमोरच बिबट्या दिसल्याने परिसरात भितीचे वातावरण निर्माण झाले आहे.
गाजरे यांची मुलगी सोमवारी (ता.१३) रात्री नऊच्या दरम्यान मुलगी घरातून बाहेर येत असताना काही फूट अंतरावर बिबट्या तिला दिसला. त्याला पाहताच तिने त्वरित घराचा दरवाजा बंद केला. यावेळी गाजरे गोठ्यात काम करत होते. ही घटना सीसीटीव्ही कॅमेऱ्यात कैद झाली आहे.
गाजरपट शिवार हे पिंपळवंडी व पिंपरी पेंढार गावच्या शिवेवर असून काही दिवसांपूर्वी देखील एका घराच्यासमोर बैलगाडीजवळ बिबट्या एक तास बसल्याचे सीसीटीव्हीत निदर्शनात आले होते. तसेच पिंपरी पेंढार, पिंपळवंडी, काळवाडी व उंब्रज या गावात मागील काही महिन्यांत बिबट्यांच्या हल्ल्यात काहीजण मृत्यूमुखी पडल्याच्या घटना घडलेल्या आहेत.
एखादा हल्ला झाल्यानंतर वनविभाग काही दिवस तत्परता दाखवत त्यानंतर बिबट्या बद्दलच्या नागरिकांच्या तक्रारीकडे दुर्लक्ष करत असल्याचे राजाराम गाजरे यांनी सांगितले. दरम्यान,
भक्ष ठेवूनही पिंजऱ्यात बिबट्या येत नसल्याची तक्रारी ग्रामस्थ करत आहेत.