पिंपळवंडी शाळेचे क्रीडा महोत्सवात यश

पिंपळवंडी, ता. २३ : चाळकवाडी (ता. जुन्नर) येथील शिवांजली विद्यानिकेतन शाळेत शुक्रवारी (ता. २१) केंद्रस्तरीय यशवंतराव चव्हाण कला-क्रीडा व सांस्कृतिक महोत्सव पार पडला. या महोत्सवात पिंपळवंडी (ता. जुन्नर) या शाळेतील विद्यार्थ्यांनी विविध स्पर्धेत यश मिळविले.
यामध्ये वेशभूषा स्पर्धेत अद्विता भोर हिने प्रथम, लिंबू चमचा स्पर्धेत वेदिका पानकर हिने द्वितीय, बडबडगीत स्पर्धेत अद्विता भोर हिने तृतीय, वैयक्तिक गायन स्पर्धेत हर्षाली पिंपळे हिने तृतीय, १०० मीटर धावणे व उंच उडी स्पर्धेत शुभम गुळवे याने प्रथम, तर बुद्धिबळ स्पर्धेत श्रेया पवार हिने प्रथम क्रमांक पटकाविला. तसेच भजन स्पर्धेत शाळेचा द्वितीय, लेझीम स्पर्धेत प्रथम, लंगडी व खोखो स्पर्धेत द्वितीय क्रमांक विद्यार्थिनींनी मिळवला. यावेळी माजी सभापती संगीता वाघ, सरपंच मेघा काकडे, उपसरपंच मयूर पवार, अजित वाघ, मुख्याध्यापक भानुदास चासकर, माणिक बोऱ्हाडे आदी उपस्थित होते. राजेंद्र फापाळे यांनी सूत्रसंचालन केले. केंद्रप्रमुख अनिता कुऱ्हाडे यांनी आभार मानले.