तिरंगा कॉलेज ऑफ ॲनिमेशनच्या सहा विद्यार्थ्यांना नोकरीची संधी

बारामती, ता. ८ ः येथील तिरंगा कॉलेज ऑफ ॲनिमेशन अँड व्ही. एफ. एक्स या संस्थेने गेल्या काही वर्षात विद्यार्थ्यांना हमखास नोकरीची संधी मिळवून दिली आहे. एका वेगळ्या क्षेत्रात विद्यार्थ्यांनी करिअर करावे या साठी प्रशिक्षण देत त्या नंतर त्यांना नोकरी उपलब्ध करून देण्याचे दुहेरी काम तिरंगाच्या वतीने होत आहे, अशी माहिती संस्थेचे अध्यक्ष रणजित शिंदे यांनी दिली. 
हल्ली नोकरीची संधी मिळविताना युवकांना अनेकदा संघर्ष करावा लागतो. मात्र, तिरंगा कॉलेजमध्ये प्रशिक्षणासोबतच बहुसंख्य विद्यार्थ्यांना नोकरीची संधी मिळवून देण्यात संस्थाचालकांना यश मिळाले आहे. 
तिरंगा कॉलेज ऑफ ॲनिमेशन अँड व्ही. एफ. एक्स मधील ऋतुजा बाबर, दिगंबर वनकांबळे, दर्शन बाबर, जय यादव, अजय वाघे, तेजा सरगर, शिवप्रसाद साबळे या विद्यार्थ्यांना नामांकित कंपन्यांमध्ये नोकरीची संधी नुकतीच प्राप्त झाल्याची माहिती संस्थेचे अध्यक्ष रणजित शिंदे व सचिव रजनी शिंदे यांनी दिली.