आळंदीत श्री जलाराम जयंती उत्साहात

आळंदीत श्री जलाराम जयंती उत्साहात

आळंदी, ता. १४ : श्री जलाराम सत्संग मंडळाच्या वतीने श्री जलाराम बाप्पांचा २२६ वा जयंती उत्सव उत्साहात साजरा करण्यात आला. यामध्ये मोठ्या प्रमाणात गुजराती समाजबांधवांसह अन्य भाविकही सहभागी झाले होते.
श्री जलाराम मंदिरातून पारंपरिक वाद्यांच्या गजरात मिरवणूक काढण्यात आली. फुलांनी सजविलेल्या आकर्षक रथात जलाराम बाप्पांची प्रतिमा विराजमान केली होती. जलाराम बाप्पांचे भक्त मोठ्या संख्येने मिरवणुकीत सहभागी झाले होते. दरम्यान, मंदिरांनाही आकर्षक सजावट व विद्युत रोषणाई करण्यात आली होती. मंदिरांमध्ये पूजा, आरती आणि भजन याचे आयोजन करण्यात आले. तसेच मिष्टान्नाचे वाटप करण्यात आले. शहरात विविध ठिकाणी आळंदीतील नागरिकांनी जलाराम बाप्पांच्या मिरवणुकीचे मोठ्या जल्लोषात स्वागत केले, दरम्यान, सकाळी नऊ ते दुपारी दोन या वेळेत श्री जलाराम मंदिर येथे रक्तदान शिबिराचे आयोजन करण्यात आले होते. या उत्सवासाठी श्री जलाराम सत्संग मंडळ आणि गुजराती समाजबांधवांनी अथक परिश्रम घेतले.