अवांतर वाचनाची सवय जोपासावी- अशोक लांडे

सकाळ एनआयई लोगो वापरावा.
विद्यार्थ्यांनी अवांतर वाचनाचा छंद जोपासला पाहिजे.- अशोक लांडे
सकाळ एनआयई अंकाचे वितरण कार्यक्रम संपन्न

जुन्नर,ता.९ ः आपल्या आईवडिलांचे स्वप्न साकार करण्यासाठी नेहमीच प्रयत्नशील राहिले पाहिजे. स्पर्धा परिक्षांच्या माध्यमातून उत्तम यश मिळते त्यामुळे सकाळ एनआयईचा अंक उपयुक्त आहे असे प्रतिपादन जुन्नर पंचायत समिती गटशिक्षणाधिकारी अशोक लांडे यांनी केले. सकाळ माध्यम समूहाच्या एनआयई अंकाचे वितरण जिल्हा परिषद प्राथमिक शाळा घाटघर (ता.जुन्नर) येथे नुकतेच करण्यात आले . यावेळी सहभागी विद्यार्थ्यांशी संवाद साधताना ते बोलत होते. सकाळ एनआयई , टाटा मोटर्स विद्याधनम् उपक्रम ,योजक संस्था यांचे वतीने जुन्रर तालुक्यातील निवडक शाळांमध्ये सकाळ एनआयई या अंकाचे वितरण करण्यात येत आहे. अवांतर वाचनामुळे विविध माहिती मिळते त्याचप्रमाणे स्पर्धापरिक्षांकरिता विद्यार्थ्यांनी वाचन कौशल्ये विकसित केले पाहिजे असे श्री.लांडे यांनी विद्यार्थ्यांना सांगितले. कार्यक्रमस्थळी पक्षी अभ्यासक तथा अध्यक्ष जुन्नर तालुका पर्यटन विकास संस्था यश मस्करे, संयुक्त वन व्यवस्थापन समिती घाटघर अध्यक्ष सचिन डाके, ग्रुप ग्रामपंचायत घाटघर उपसरपंच सुमन आढारी, माजी पेसा अध्यक्ष अनिल रावते. पोलिस पाटील शैला रावते, नंदा रावते यांचे हस्ते गटशिक्षणाधिकारी अशोक लांडे यांचा नागरी सत्कार करण्यात आला. सकाळ एनआयईच्यावतीने शैक्षणिक वर्षात विविध उपक्रम राबविले जात असून विद्यार्थ्‍यांच्या वाचन व लेखन कौशल्याला वाव मिळण्यासाठी सकाळ एनआयई हा साप्ताहिक स्वरूपातील अंक शाळानिहाय वितरीत केला जात आहे. यावेळी केंद्रप्रमुख वामन शेळके, जिल्हा परिषद प्राथमिक शाळा घाटघर मुख्याध्यापक बाळासाहेब शिंदे, प्रशांत लोखंडे, प्रविण घोलप शाळा व्यवस्थापन समिती सदस्य व पालक गुलाब रावते, शिवाजी नांगरे, वसंत मेमाणे उपस्थित होते.