पिंपरी चौपाटी पिंपळे सौदागर

पिंपळे सौदागर फूड प्लाझा
--
स्वच्छतेकडे दुर्लक्ष;
अन्न सुरक्षा धोक्यात

पिंपळे सौदागर येथील फूड प्लाझा चौपाटी सध्या खवय्यांची नवीन आकर्षण ठरत आहे. सायंकाळी आणि सुटीच्या दिवशी येथे ग्राहकांची गर्दी असते. अनेक गाळ्यांमध्ये चायनीज, पंजाबी, साउथ इंडियन, फास्टफूड, चाट व ज्यूस सेंटर असे खाद्यपदार्थांचे स्टॉल्स आहेत. पण, पदार्थ विक्रेत्यांकडून काळजी घेतली जात नसल्याचे निदर्शनास आले. पदार्थ तयार करताना विक्रेत्यांकडून स्वच्छतेकडे दुर्लक्ष होत असल्याचे स्पष्टपणे जाणवले. अनेक स्टॉलवर स्वयंपाक करणाऱ्या व्यक्तींनी हातमोजे, टोपी यासारख्या आवश्यक अन्नसुरक्षा उपायांचा वापर केलेला दिसला नाही. उघड्यावर खाद्यपदार्थ ठेवल्यामुळे माशा, धूळ, प्रदूषणाचा थेट संपर्क होत होता.

आढळलेले वास्तव
- हात धुणे व स्वच्छतेसाठी पुरेशा सोई नसल्याने साफसफाईबाबत शंका
- काही ठिकाणी युज अँड थ्रो प्लेट्स, काही ठिकाणी स्टील प्लेटच्या स्वच्छतेबाबत शंका
- शाकाहारी व मांसाहारी पदार्थ विक्री करताना हॉटेल चालकांकडून नियमांचे पालन केले जात नाही
- चायनीज सेंटर रात्री उशिरापर्यंत चालू, शासकीय नियमांचे पालन नाही

होय/नाही
- चौपाटी परिसरात स्वच्छता होती का? : होय
- आचारी किंवा विक्रेत्यांच्या हातात ग्लोव्हज् किंवा डोक्यात कागदी टोपी होती का? : नाही
- जुनेच किंवा वापरलेले तेल पुन्हा वापरले होते का? : होय
- पाणी स्वच्छ किंवा जारचे होते का? : होय
- ताट किंवा डिश धूत होते की पुसत होते? की कागदी वापरत होते : होय