बालवीर युवक मंडळाने साकारले महालक्ष्मीचे मंदिर

पिरंगुट, ता. २१ : पिरंगुट (ता.मुळशी) येथील कॅंप भागातील बालवीर युवक मंडळाने गणेशमूर्तीला कोल्हापूरच्या महालक्ष्मी मंदिराच्या प्रतिकृतीचा देखाव्याची आकर्षक सजावट केली आहे. मंडळाने यावर्षीही सामाजिक उपक्रम व पर्यावरणपूरक गणेशोत्सव साजरा केला आहे.
अध्यक्ष रामदास गणपत पवळे यांच्या मार्गदर्शनाखाली मंडळाने विविध सामाजिक, शैक्षणिक, आरोग्यविषयक तसेच पर्यावरणपूरक उपक्रम राबविलेले आहेत. मंडळाचे प्रतिनिधी व मुळशी कृषी उत्पन्न बाजार समितीचे संचालक तुषार पवळे यांनी सांगितले की, मंडळाच्या माध्यमातून रक्तदान शिबिरे, शालेय गरीब गरजू विद्यार्थ्यांना शालेय साहित्य व आर्थिक मदत, सार्वजनिक कामात पदाधिकाऱ्यांचा सक्रिय सहभाग, रस्ते अपघातावेळी तातडीची धाव घेऊन अपघातग्रस्तांना मदत आदी उपक्रमाबरोबरच इयत्ता दहावी व बारावीच्या गुणवंत विद्यार्थांचा सन्मान आदी उपक्रम सातत्याने राबविले जातात. सामाजिक प्रबोधनासाठी तसेच व्यसनमुक्तीसाठी कीर्तन सोहळा आयोजित केला. गुलालविरहित मिरवणुकीत पारंपरिक ढोल ताशांच्या गजरात गणेशमूर्तीची विसर्जन मिरवणूक काढली जाते. यावर्षीही सजावटीला अनावश्यक खर्च न करता तोच खर्च सामाजिक व अन्य विधायक उपक्रमांना वापरणार आहोत.

02462