मतदारांच्या स्वागतासाठी लवळे ग्रामस्थांकडून रांगोळी

पिरंगुट, ता. १९ : लवळे (ता. मुळशी) येथील ग्रामपंचायत, प्राथमिक शाळा आणि ग्रामस्थांच्यावतीने विधानसभा निवडणुकीच्या पार्श्वभूमीवर मतदारांच्या स्वागतासाठी रांगोळी काढण्यात आली आहे. ग्रामपंचायत लेखनिक ज्योती गायकवाड, रूपाली नलावडे, अक्षदा कऱ्हेकर आणि मंदा गोठे यांनी ही रांगोळी रेखाटली असून, या माध्यमातून लोकशाहीचा उत्सव साजरा होत आहे. यावेळी पौड पोलिस ठाण्याचे सहाय्यक निरीक्षक संदीप चव्हाण, सरपंच रणजित राऊत, माजी सरपंच संजय सातव, ग्रामविकास अधिकारी विठ्ठल साकोरे, महात्मा फुले विद्यालयाचे मुख्याध्यापक सुदाम राऊत, पोलिस पाटील संपत राऊत, बीएलओ रवींद्र डोळसे, कैलास आल्हाट, दादा वीर, विद्यानंद कांबळे आदी उपस्थित होते.