लवळेतील शिबिरात ६६ जणांचे रक्तदान

पिरंगुट, ता. १४ : लवळे (ता. मुळशी) येथील शिबिरात ६६ जणांनी रक्तदान केले. माजी सरपंच नीलेश गावडे यांच्या पुण्यस्मरणानिमित्त शैक्षणिक साहित्य वाटप, रक्तदान शिबिर, गरजूंना व धार्मिक संस्थांना वस्तूंचे वितरण आदी उपक्रम घेण्यात आले. येथील जिल्हा परिषदेच्या प्राथमिक शाळेतील विद्यार्थ्यांना सरपंच रंजित राऊत, उपसरपंच किमया गावडे, रंजना गावडे, वर्षा गावडे यांच्या हस्ते साहित्य वाटप झाले. यावेळी शिवराम सातव, बाळासाहेब राऊत, राहुल खरात, सायली सातव, वर्षा राऊत, राणी केदारी, बाळासाहेब टकले, गणेश गावडे, अनिल भोसले, जयसिंग शितोळे, धोंडिबा केदारी, नंदा खोमणे उपस्थित होते. माजी सरपंच संजय सातव यांनी सूत्रसंचालन केले. कार्यक्रमांचे नियोजन नेहा गावडे, उषा काळोखे व आशा मारणे यांनी केले होते. संतोष गावडे प्रतिष्ठानने संयोजन केले होते.