मधुर दाभाडे यांचा भाजपमध्ये प्रवेश

पौड, ता. १२ : मुळशी तालुका काँग्रेसचे समन्वयक मधुर दाभाडे यांनी भाजपमध्ये प्रवेश केला. माजी आमदार थोपटे यांच्या उपस्थितीत भोर येथे झालेल्या कार्यक्रमात दाभाडे आणि त्यांच्या तालुक्यातील समर्थकांनी हातात कमळ घेतले. त्यामुळे तालुक्याच्या पश्चिम भागात भाजपला बळकटी मिळणार आहे.
संग्राम थोपटे यांनी मागील महिन्यात काँग्रेसला रामराम ठोकत भाजपमध्ये प्रवेश केला. त्यांच्यासमवेत बहुतांश काँग्रेस पदाधिकारी, कार्यकर्ते यांनी मुंबई येथे झालेल्या कार्यक्रमात भाजपमध्ये प्रवेश केला. त्यावेळी दाभाडे उपस्थित नव्हते. त्यामुळे त्यांची नेमकी राजकीय भूमिका काय असणार याबाबत चर्चा सुरू होती. भोर येथे झालेल्या कार्यक्रमात आपल्या समर्थकांसमवेत ते भाजपवासी झाले. यावेळी गणेश धनवे, निनाद पाडाळे, संदीप नाकती, अभिषेक पारखी, केतन फाटक, अभिजित पढेर, अविनाश दहिभाते, गणेश दाभाडे, प्रसाद दाभाडे, रितेश पवार, स्वप्नील सणस, धनंजय भिलारे, नागेश धनवे, ओंकार बलकवडे, प्रज्वल पवार, हिरामण कुंभार, विशाल पडवळ, विकास पडवळ यांनीही भाजपमध्ये पक्ष प्रवेश केला. यावेळी भाजपचे पुणे जिल्हा दक्षिण उपाध्यक्ष विनायक ठोंबरे, तालुकाध्यक्ष मुळशी पश्चिम मंडल तालुकाध्यक्ष समीर मारणे आदी कार्यकर्ते उपस्थित होते.