मुळशीसाठी वाढीव पाणी देण्याची मागणी

मुळशीसाठी वाढीव पाणी देण्याची मागणी

Published on

पौड, ता. १७ : मुळशी धरण प्रकल्पातून पुणे शहराला ९ टीएमसी पाणी देण्याच्या जलसंपदा विभागाच्या निर्णयाला मुळशीकरांनी तीव्र विरोध दर्शविला आहे. तालुक्यातील वाढत्या लोकसंख्येला अनुसरून २ टीएमसी वाढीव पाणी देण्याच्या मागणीकडे सरकार गेल्या सहा वर्षांपासून दुर्लक्ष करीत आहे. त्यामुळे पहिले मुळशीकरांना वाढीव पाणी मंजूर करावे, अन्यथा जलसंपदाच्या विरोधात तीव्र आंदोलन करून न्यायालयात दाद मागणार असल्याचा इशारा माजी सभापती रवींद्र कंधारे यांनी दिला. याबाबत त्यांनी तहसीलदार विजयकुमार चोबे यांना निवेदन दिले असून, अजित पवार यांची भेट घेणार असल्याचे सांगितले.
शासन करारानुसार दरवर्षी मुळशीतील नागरिकांना पिण्यासाठी आणि शेतीकरिता १.२ टीएमसी पाणी दिले जाते. या पाण्याचे सिंचन, बिगरसिंचन आणि पिण्यासाठीचे जलसंपदाचे नियोजन पूर्ण झाले आहे. तालुक्यातील नागरीकरण दिवसेंदिवस वाढत आहे. त्यामुळे भविष्यात तालुक्यातील नागरिकांचा पिण्याच्या पाण्याचा गंभीर प्रश्न होणार आहे. तसेच धरण भागातील बुडीत क्षेत्रामध्ये ५२ गावाच्या शेतजमिनी धरण प्रकल्पात संपादित झाल्या. परंतु, ही गावे सिंचनाच्या पाण्यापासून वंचित आहेत. या गावांना पिण्यासाठी आणि सिंचनासाठी पाणी मिळणे गरजेचे आहे. मुळशी प्रादेशिक पाणी योजना टप्पा क्र. २ ही योजनाही प्रस्तावित आहे. या योजनेचे कामही सुरु झाले आहे. तसेच, टप्पा क्र.१ यामध्ये विस्तारित गावे निवडली आहेत. या दोन्ही योजनांसाठी वारंवार मागणी करूनही त्यास परवानगी मिळाली नाही. कोळवण खोऱ्यातील तीन बंधाऱ्यांमधील पिण्यासाठी व शेतीसाठी पुरेसे पाणी नाही. या भागातील शेतकऱ्यांसाठी तीन हजार एकरकरीता मुळा नदीवरून पाणी उपसा जलसिंचन योजना करण्याची गरज आहे. याकरिताही मुळशी धरणामधून वाढीव पाण्याची आवश्यकता आहे. त्यासाठी वाढीव २ टीएमसी पाणी उपलब्ध करून द्यावे, ही मागणी २०१९ पासून केली जात आहे. याबाबत यापूर्वी मंत्रालयात बैठकाही झाल्या आहेत. पण ठोस निर्णय घेतले नाहीत. शहराला मात्र पाणी देण्याबाबत तातडीने निर्णय घेतल्याने त्याविरोधात मुळशीकर आक्रमक झाले आहेत, असे कंधारे यांनी सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com