शिवाजी विद्यालयात विविध स्पर्धा

पौड, ता. ९ : येथील श्री छत्रपती शिवाजी विद्यालयात सोमवारी (ता. ८) बीटस्तरीय स्पर्धांचे आयोजन करण्यात आले होते. यात भजन, प्रश्नमंजूषा, वक्तृत्व, लोकनृत्य, लेझीम, खो- खो, लांब उडी, उंच उडी, शंभर मीटर धावणे, कविता गायन, लंगडी, बुद्धीबळ, कबड्डी, पोवाडा, मल्लखांब या स्पर्धा झाल्या.
या स्पर्धेत चाले, कोळवण, आंबवणे, भांबर्डे, पोमगाव या केंद्रातील विविध शाळांतील पहिली ते आठवीचे ३५० विद्यार्थी सहभागी झाले होते. स्पर्धेचे उद्‍घाटन प्रभारी विस्तार अधिकारी सोपान ठकोरे, संजय मारणे यांच्या हस्ते झाले. माध्यमिक शाळेतील शिक्षकांनी विविध स्पर्धांचे पंच म्हणून काम पाहिले. यावेळी केंद्रप्रमुख नियाज काझी, मुख्याध्यापक संतोष भोकरे, पर्यवेक्षक रमाकांत शिंदे, पीडीईए इंग्लिश मीडियम स्कूलच्या मुख्याध्यापिका सोनाली साळुंके आदी उपस्थित होते.