शेरे येथे विद्यार्थ्यांच्या कल्पकतेचे प्रदर्शन

पौड, ता. १६ : शेरे (ता. मुळशी) येथील पुणे जिल्हा शिक्षण मंडळ संस्थेच्या श्री मामासाहेब मोहोळ विद्यालयात शुक्रवारी (ता. १२) आणि शनिवारी (ता. १३) विज्ञान, चित्रकला, रांगोळी तसेच ग्रंथ प्रदर्शन पार पडले. यावेळी विद्यार्थ्यांनी प्रदर्शनातून आपली कल्पकता, सर्जनशीलता व वैज्ञानिक दृष्टिकोन प्रभावीपणे सादर केला.
याप्रसंगी सरपंच संतोष ढमाले, अकोलेच्या सरपंच कल्पना जाधव, जामगावचे सरपंच विनोद सुर्वे, मदन तिकोने, सारिका गोरड, किसान गोरे, जयवंत सातपुते आदी उपस्थित होते. मुख्याध्यापक अनिल काळभोर यांनी प्रास्ताविक, टी. एस. धनवडे यांनी सूत्रसंचालन, तर एस. बी.मगर, आर.डी.कोल्हे, जी. के. नवाळे, सुनीता जाधव आदींनी कार्यक्रमाचे नियोजन केले. आर. जी. चिंचकर यांनी आभार मानले.